Kirsten Thorup

Kirsten Thorup
Nasjonalitet	Dansk
Statsborgarskap	Kongeriket Danmark
Fødd	9. februar 1942 (82 år) Gelsted på Fyn i Danmark
Yrke	Forfattar
Periode	Modernisme, realisme
Sjanger	Lyrikk, romanar, noveller og dramatikk
Ektefelle	Ib Thorup
Debut	Diktsamlinga Indeni - Udenfor i 1967

Kirsten Thorup (fødd 9. februar 1942 i Gelsted i Middelfart kommune på Fyn)^[1] er ein dansk skjønnlitterær forfattar. Ho debuterte i bokform med den modernistiske diktsamlinga Indeni - Udenfor i 1967.^[1] Etter debuten har ho gitt ut eit førtitalls bøker, og ho har skrive romanar, noveller og dramatikk.^[2]

Diktsamlingane Love from Trieste frå 1969, I dag er det Daisy frå 1971 og romandebuten Baby (1973) er viktige representanter for skrivemåten frå slutten av 1960-åra. Ho fekk stor merksemd med dei realistiske romanane Lille Jonna (1977) og Den lange sommer frå 1979 om ei jentes utvikling frå born til vaksen i eit dansk provinsmiljø.^[3]

I romanane Himmel og helvede (1982, filmatisert 1988), Den yderste grænse (1987) og Elskede ukendte (1994) går handlinga for seg i København og dei har alle kjærleik og eksistens som tema. Romanene Bonsai og Ingenmandsland kom ut i 2000 og 2003. Romanen Førkrigstid frå 2006 har òg handling frå det danske provinsmiljøet og er ei samling portrett. Som dramatikar for TV er ho mellom anna kjent for Else Kant frå 1978, etter Amalie Skram sine skildringar av sinnssjukdom.^[3]

1. ↑ ^{1,0 1,1} «Kirsten Thorup (f. 1942)». Litteraturpriser.dk. Henta 2. mars 2015. 
2. ↑ Kirsten Thorup på Bibliografi.dk
3. ↑ ^{3,0 3,1} «Kirsten Thorup». Store norske leksikon (fri lisens). Henta 2. mars 2015.